नवी दिल्ली, 20 मे: लवकरच देशभरातील लोकांना उष्णतेपासून थोडासा दिलासा मिळण्याची अपेक्षा आहे. हवामान खात्याने (IMD) येत्या काही दिवसांत भारताच्या बहुतांश भागात हलक्या ते मुसळधार पावसाचा अंदाज वर्तवला आहे. बंगालच्या उपसागराच्या काही भागांमध्ये नैऋत्य मोसमी पावसाच्या आगमनामुळे पुढील तीन दिवस पावसासाठी अनुकूल परिस्थिती निर्माण झाली आहे, असे हवामान खात्याने म्हटले आहे.
ताज्या IMD बुलेटिननुसार, उत्तर प्रदेशच्या काही भागात सोमवारपर्यंत, राजस्थान आणि मध्य प्रदेशात उद्या म्हणजेच रविवारपर्यंत आणि छत्तीसगड आणि झारखंडमध्ये मंगळवारपर्यंत उष्णतेची लाट कायम राहण्याची शक्यता आहे. दुसरीकडे, आर्द्र हवा आणि उच्च तापमानामुळे, पुढील पाच दिवसांत कोकण प्रदेशात तसेच केरळ, तामिळनाडू आणि आंध्र प्रदेशात उबदार हवामानाची शक्यता आहे.
पुढील ५ दिवस हवामानाचा अंदाज
ईशान्य भारत- हवामान खात्याच्या अंदाजानुसार, ईशान्य भारतात पुढील 5 दिवसांत हलका ते मध्यम पाऊस पडण्याची शक्यता आहे. यादरम्यान विजांचा कडकडाट आणि सोसाट्याच्या वाऱ्यासह पाऊस पडण्याची शक्यता आहे. आसाम आणि मेघालयात 20 ते 24 मे दरम्यान आणि 24 मे रोजी त्रिपुरा आणि मिझोराममध्ये काही ठिकाणी मुसळधार पावसाची शक्यता आहे.
पूर्व भारत – पुढील 5 दिवसांत बहुतांश भागात हलका ते मध्यम पाऊस आणि वादळी वाऱ्यासह मेघगर्जनेसह पाऊस पडण्याची शक्यता आहे. 20, 23 आणि 24 मे रोजी उप-हिमालयीन पश्चिम बंगाल आणि सिक्कीममध्ये काही ठिकाणी मुसळधार पावसाची शक्यता आहे.
वाचा- दिवसभर शेतात काम करून सायंकाळी मृत्यू; जळगावात उष्माघाताचा आणखी एक बळी
वायव्य भारत – 22 आणि 23 मे रोजी उत्तर प्रदेश आणि राजस्थानमध्ये आणि 23 मे रोजी पश्चिम हिमालयीन प्रदेशात हलका ते मध्यम पाऊस आणि वादळी वारे येण्याची शक्यता आहे. 22 मे ते 24 मे दरम्यान राजस्थानच्या विविध भागात धुळीचे वादळ येण्याची शक्यता आहे.
ताज्या वेस्टर्न डिस्टर्बन्सच्या प्रभावाखाली, वायव्य भारतातील अनेक भागांमध्ये प्रामुख्याने 23 ते 25 मे दरम्यान विखुरलेला पाऊस आणि गडगडाट होण्याची शक्यता आहे, त्यानंतर तापमानात घट होण्याची शक्यता आहे.
मध्य भारत – छत्तीसगडमध्ये पुढील 5 दिवसांत गडगडाट, विजांचा कडकडाट आणि सोसाट्याच्या वाऱ्यासह हलका ते मध्यम पाऊस पडण्याची शक्यता आहे, तर विदर्भात 22 आणि 23 मे रोजी पाऊस पडण्याची शक्यता आहे.
दक्षिण भारत – पुढील पाच दिवसांत प्रदेशाच्या बहुतांश भागात हलका ते मध्यम पाऊस, विजांचा कडकडाट आणि सोसाट्याचा वारा येण्याची शक्यता आहे.
Marathi News, Breaking News in Marathi first on MothiBatmi.com. आजच्या ताज्या बातम्या, लाइव्ह बातम्यांचे अपडेट्स वाचा, प्रथम विश्वसनीय मराठी न्यूज वेबसाइट MothiBatmi.com वर.