श्रीनिवास पाटील यांनी सातारा निवडणुकीतून माघार घेतल्यानंतर शरद पवार यांनी चार नावे घेऊन सस्पेन्स कायम ठेवला.
बातमी शेअर करा


सातारा लोकसभेवर शरद पवार. सातारा लोकसभा मतदारसंघाचे विद्यमान खासदार श्रीनिवास पाटील यांनी आपले नाव मागे घेतले आहे. प्रकृतीच्या कारणास्तव लोकसभा निवडणूक लढवणार नसल्याचे राष्ट्रवादीचे अध्यक्ष शरद पवार यांनी सांगितले. सातारा दौऱ्यावर आलेल्या शरद पवार यांनी येत्या दोन-तीन दिवसांत साताऱ्याचा उमेदवार जाहीर केला जाईल, अशी घोषणा केली.

श्रीनिवास पाटील यांनी निवडणुकीच्या रिंगणातून माघार घेतल्याने राष्ट्रवादीच्या शरद पवार गटाचा उमेदवार कोण? असा सवाल करत शरद पवार यांनी चार नावे घेत सस्पेन्स कायम ठेवला. यावेळी बोलताना शरद पवार म्हणाले की, सातार लोकसभेसाठी तीन, चार नावांची चर्चा सुरू आहे. शशिकांत शिंदे, बाळासाहेब पाटील, सुनील माने, सत्यजित पाटील यांच्या नावाची चर्चा सुरू असल्याचे त्यांनी सांगितले. त्यावर चर्चा करून उमेदवार जाहीर करू, असे शरद पवार म्हणाले.

दरम्यान, मलाही साताऱ्यातून निवडणूक लढवण्याचा आग्रह होत असल्याचे शरद पवार यांनी यावेळी सांगितले. त्यामुळे सातारच्या उमेदवारीबाबत आज निर्णय होणार असल्याचे सांगण्यात आले. मात्र, आता पुन्हा एकदा दोन-तीन दिवसांनी हा निर्णय होण्याची शक्यता आहे. दरम्यान, माढा लोकसभेच्या निमित्ताने त्यांना विचारले असता, शरद पवारांनी ती जागा धनगर समाजाला देणार म्हणून मी स्वत: ही घोषणा केल्याचे त्यांनी सांगितले. दरम्यान, साताऱ्यातील उमेदवार हा महाविकास आघाडीचाच असेल, असेही शरद पवार यांनी स्पष्ट केले.

इतर महत्वाच्या बातम्या

अजून पहा..

error: तुम्ही बातमी कॉपी करू शकत नाही ! फक्त शेअर करा