मुंबई, १७ जुलै- काही गोष्टी जुन्या होतात पण त्यांच्या आठवणी कायम राहतात. बॉलिवूडमध्ये असे काही चित्रपट आहेत जे आजही प्रेक्षकांच्या मनावर राज्य करतात. या चित्रपटातील कलाकार लोकांच्या हृदयावर आणि मनावर अधिराज्य गाजवताना दिसतात. काही वर्षांपूर्वी ‘स्टाईल’ नावाचा चित्रपट आला होता. यानंतर लवकरच ‘एक्सक्यूज मी’ हा चित्रपट आला. या दोन्ही चित्रपटात फक्त एकच जोडी दिसली ती म्हणजे शर्मन जोशी आणि साहिल खान. ही जोडी अल्पावधीतच लोकप्रिय झाली. या चित्रपटात साहिल खानची बॉडी पाहिल्यानंतर लोक त्याची सलमान खानसोबत तुलना करू लागले. यानंतर अचानक साहिन खान फिल्मी दुनियेतून गायब झाला.
शर्मन जोशीसोबत काम करत राहिला पण साहिल खानने त्याचे करिअर जिम आणि मॉडेलिंगकडे वळवले. आता अनेक वर्षांनी ही जोडी पुनरागमन करत असल्याच्या बातम्या येत आहेत. हे दोन्ही स्टार्स पुन्हा एकदा एका चित्रपटात दिसणार आहेत.
वाचा- पंकज त्रिपाठीची मुलगी स्टार किड्सपेक्षाही सुंदर, स्टाईलमध्ये…
वरिंदर चावलाने लिहिले की, शर्मन जोशी आणि साहिल खान एका नवीन चित्रपटासाठी एकत्र आले आहेत. जवळपास दोन दशकांनंतर ते पुन्हा एकत्र येत आहेत. या चित्रपटाचे दिग्दर्शन सॅम खान, पटकथा आणि संवाद मिलाप झवेरी करणार आहेत. अद्याप शीर्षक नसलेल्या या चित्रपटाची निर्मिती व्हाईट लायन मोशन पिक्चर प्रॉडक्शनद्वारे केली जाणार आहे. हितेश खुशालानी निर्मित आणि भुवी खुशलानी, जफर मेहदी आणि ईशान दत्ता सहनिर्माते.
निर्माते लवकरच शीर्षक आणि मुख्य अभिनेत्रीची घोषणा करतील. यानंतर लोक या जोडीबद्दल बोलत आहेत आणि हा चित्रपट धमाकेदार ठरणार असल्याचे बोलले जात आहे. निर्मात्यांनी चित्रपटाच्या शीर्षकाबाबत कोणतीही अधिकृत घोषणा केली नसली तरी या नवीन प्रकल्पाबद्दल सर्वजण उत्सुक आहेत.
Marathi News, Breaking News in Marathi first on मोठीबातमी.com . आजच्या ताज्या बातम्या, लाइव्ह बातम्यांचे अपडेट्स वाचा, प्रथम विश्वसनीय मराठी न्यूज वेबसाइट मोठीबातमी.com वर.