काही वर्षांपूर्वी, लॅपटॉप मुख्यतः आयटी कर्मचारी आणि अभियांत्रिकी विद्यार्थ्यांच्या मालकीचे होते. मात्र, ‘वर्क फ्रॉम होम’ संस्कृती आणि ऑनलाइन शिक्षणामुळे लॅपटॉपला खूप महत्त्व प्राप्त झाले आहे. त्यामुळे लॅपटॉपच्या विक्रीत वाढ झाली आहे. वाढती मागणी लक्षात घेऊन अनेक कंपन्यांनी ग्राहकांना परवडणारे विविध प्रकारचे लॅपटॉप बाजारात आणले आहेत. यामध्ये रिलायन्स जिओचाही समावेश आहे.
रिलायन्स जिओ लवकरच सर्वसामान्यांसाठी परवडणारे लॅपटॉप लॉन्च करणार आहे. हा लॅपटॉप लॉन्च केल्यानंतर डेल, लेनोवो सारख्या ब्रँडला आव्हानांचा सामना करावा लागू शकतो, असे बोलले जात आहे. कारण, रिलायन्सचा लॅपटॉप अत्यंत कमी किमतीत मिळणार आहे. रिलायन्स जिओ लॅपटॉप हे गेल्या ऑक्टोबरमध्ये लाँच झालेल्या JioBook ची अद्ययावत आवृत्ती असू शकते.
टिपस्टर अभिषेक यादवच्या म्हणण्यानुसार, JioBook लॅपटॉपचा टीझर ई-कॉमर्स साइट Amazon वर लिस्ट करण्यात आला आहे. लॅपटॉपच्या लॉन्चची तारीख उघड करण्यात आलेली नाही. परंतु, ते ‘युवर अल्टिमेट लर्निंग पार्टनर’ या टॅगलाइनसह सूचीबद्ध आहे. असा अंदाज वर्तवला जात आहे की जिओबुक लॅपटॉप 31 जुलै रोजी लॉन्च केला जाऊ शकतो. यापूर्वी 2022 मध्ये JioBook लॅपटॉप भारतात 20 हजार रुपयांपेक्षा कमी किमतीत लॉन्च करण्यात आला होता. नवीन लॅपटॉपची किंमत 20 हजार रुपयांपेक्षा जास्त असण्याची शक्यता आहे. हा लॅपटॉप रिलायन्स डिजिटल स्टोअरमधून खरेदी करता येईल.
नवीन JioBook चे स्पेसिफिकेशन्स:
नवीन JioBook लॅपटॉप अत्यंत पातळ आणि वजनाने हलका असेल. त्याचे वजन सुमारे 990 ग्रॅम असेल. लॅपटॉपमध्ये दीर्घकाळ टिकणारी बॅटरी असणे अपेक्षित आहे. व्हिडिओ कॉलिंगसाठी यात 11.6-इंचाचा HD डिस्प्ले आणि 2-मेगापिक्सेलचा फ्रंट कॅमेरा असेल. लॅपटॉप Qualcomm Snapdragon 665 SoC सपोर्टसह येईल. यात 2GB रॅम आणि 32GBC स्टोरेज मिळेल. हे स्टोरेज 128GB पर्यंत वाढवता येणार आहे. Jio लॅपटॉप JioOS वर चालतो आणि 5000mAh सह ऑफर केला जाऊ शकतो.
व्यक्तीच्या घरातून 30 कोटी रुपयांची ब्रँडेड घड्याळे जप्त; डीआरआयच्या तपासात धक्कादायक माहिती समोर आली आहे
JioBook लॅपटॉप कॉम्पॅक्ट फॉर्म फॅक्टरसह ऑफर केला जाऊ शकतो. हा लॅपटॉप निळ्या रंगात उपलब्ध असेल. यात 4G कनेक्टिव्हिटी देखील असेल. यात शक्तिशाली ऑक्टा-कोअर प्रोसेसर असेल. लॅपटॉप हाय-डेफिनिशन व्हिडिओ स्ट्रीमिंग, मल्टीटास्किंग आणि नवीनतम सॉफ्टवेअर वापरण्यास समर्थन देऊ शकतो.
Marathi News, Breaking News in Marathi first on मोठीबातमी.com . आजच्या ताज्या बातम्या, लाइव्ह बातम्यांचे अपडेट्स वाचा, प्रथम विश्वसनीय मराठी न्यूज वेबसाइट मोठीबातमी.com वर.