शेतकऱ्यांचा प्रचंड विरोध असतानाही सरकारने कांद्याच्या निर्यातीवर बंदी का घातली?Agriculture News शेतकरी
बातमी शेअर करा


कांदा निर्यात बंदी सध्या देशात कांदा शेतकरी अडचणीत आहेत. कारण कांद्याचे भाव दिवसेंदिवस कमी होत आहेत. सरकारने कांदा निर्यातीवर बंदी घातली आहे. याचा परिणाम दरांवर झाला आहे. यावरून शेतकरी आक्रमक झाल्याचे दिसून येत आहे. दरम्यान, ३१ मार्चनंतरही कांदा निर्यातबंदी कायम ठेवण्याचा निर्णय सरकारने घेतला आहे. हा निर्णय सरकारने का घेतला? अशी माहिती सरकारने दिली आहे.

दरम्यान, सरकारने कांद्याच्या निर्यातीवर बंदी घातली असली तरी भारतावर अवलंबून असलेल्या देशांमध्ये कांदा निर्यात केला जाणार आहे. मिळालेल्या माहितीनुसार, सरकार भूतानला 550 मेट्रिक टन, बहरीनला 3,000 मेट्रिक टन, मॉरिशसला 1,200 मेट्रिक टन, बांगलादेशला 50,000 मेट्रिक टन आणि यूएईला 14,400 मेट्रिक टन निर्यात करणार आहे. याशिवाय सरकार शेतकऱ्यांकडून 5 लाख टन कांदा खरेदी करणार आहे.

सरकारने निर्यात बंदीचा निर्णय का घेतला?

एल निनोमुळे देशातील अनेक भागात दुष्काळ पडत आहे. त्यामुळे या काळात देशात कांद्याचा तुटवडा भासू नये आणि देशातील कांद्याचे भाव नियंत्रणात राहावेत. सर्वसामान्यांना कमी दरात कांगा उपलब्ध व्हावा, यासाठी सरकारने कांद्याच्या निर्यातीवर बंदी घालण्याचा निर्णय घेतला आहे. सध्या लोकसभा निवडणुकीची रणधुमाळी सुरू झाली असून, या काळात देशातील जनतेला स्वस्त दरात कांदा उपलब्ध करून देण्याचा सरकारचा प्रयत्न असल्याचे दिसून येत आहे. मात्र, सरकारच्या कांद्याच्या निर्यातीवर बंदी घालण्याच्या निर्णयावर शेतकरी आणि विविध शेतकरी संघटनांनी जोरदार टीका केली आहे.

सरकार ५ लाख मेट्रिक टन कांदा खरेदी करणार आहे

दरम्यान, दुसरीकडे सरकारने शेतकऱ्यांकडून कांदा खरेदी करण्याचा निर्णय घेतला आहे. नॅशनल को-ऑपरेटिव्ह कन्झ्युमर फेडरेशन ऑफ इंडिया (NCCF) आणि NAFED मार्फत सरकार 5 लाख मेट्रिक टन कांदा खरेदी करणार आहे. दरम्यान, शेतकऱ्यांकडून कांदा खरेदी करताना नोंदणीही केली जाणार आहे. 8 डिसेंबर 2023 रोजी सरकारने कांद्याच्या निर्यातीवर बंदी घालण्याचा निर्णय घेतला होता. हा निर्णय ३१ मार्चपर्यंत असल्याचे सरकारकडून सांगण्यात आले. मात्र, सरकारने पुन्हा निर्णय बदलला आहे. ३१ मार्चनंतरही कांद्यावरील निर्यातबंदी कायम राहणार असल्याचे सांगण्यात आले. या निर्णयामुळे कांद्याचे भाव पुन्हा एकदा घसरले आहेत. सरकारच्या या निर्णयानंतर शेतकरी आक्रमक होताना दिसत आहेत.

महत्वाची बातमी:

दुष्काळात तेरावा महिना! कांद्याचे भाव पडणार का? सरकार ५ लाख टन कांदा खरेदी करणार आहे

अजून पहा..

ताज्या बातम्या

error: तुम्ही बातमी कॉपी करू शकत नाही ! फक्त शेअर करा