अररिया: बिहारच्या अररिया जिल्ह्यात सोमवारी एका लहान पुलाचा खांब कोसळला, असे एका अधिकाऱ्याने सांगितले.फोर्ब्सगंजमध्ये झालेल्या या घटनेत कोणीही जखमी झाले नसल्याचे अधिकाऱ्याने सांगितले.पीटीआयशी बोलताना जिल्हा दंडाधिकारी (डीएम) अनिल कुमार म्हणाले, “मी या घटनेबाबत सविस्तर अहवाल मागितला आहे.” स्थानिक लोकांच्या म्हणण्यानुसार, फोर्ब्सगंज उपविभागातील केवलशी गावात परमन नदीवर बांधलेल्या पुलाचा मधला खांब सोमवारी कोसळला. राज्य सरकारच्या ग्रामीण बांधकाम विभाग (RWD) द्वारे व्यवस्थापित, हा पूल 2019 मध्ये 4 कोटी रुपये खर्चून बांधण्यात आला.हा पूल फोर्ब्सगंजला पटेगना गाव आणि इतर आसपासच्या भागांना जोडतो. अधिका-यांनी सांगितले की, पुलावरील वाहतूक पूर्णपणे बंद करण्यात आली आहे आणि या घटनेची चौकशी करण्यासाठी RWD विभागातील तांत्रिक तज्ञांची एक टीम पाठवली जाईल.गेल्या वर्षी राज्यातील विविध जिल्ह्यांमध्ये डझनभर छोटे-मोठे पूल कोसळले होते.(एजन्सी इनपुटसह)