परभणी-हैद्राबाद-परभणी एक्सप्रेस १२ सप्टेंबर पासुन धावणार
नांदेड रेल्वे विभागाची माहिती..
परभणी, दि.5(प्रतिनिधी)-
कोरोना महामारीत टाळेबंदी नंतर रेल्वे मंत्रालयाने गेल्या काही महिन्यांपासून पूर्णतः बंद केलेल्या रेल्वेगाड्या हळूहळू का होईना सुरू करण्यास सुरुवात केली असुन, यापुर्वीच नांदेड अमृतसर एक्स्प्रेस नंतर आता परभणी-हैद्राबाद-परभणी एक्सप्रेस ही गाडी १२ सप्टेंबर पासुन दैनंदिन धावणार असल्याचे नांदेड रेल्वे विभागाच्या सुत्रांनी एका प्रसिध्दी पत्रकाद्वारे कळविले आहे.
रेल्वे मंत्रालयाने शनिवारी(दि.5) देशभरातील एकूण 80 रेल्वेगाड्या 12 सप्टेेंबरपासून सुरू होतील, एका परिपत्रकाद्वारे जाहीर केले. त्यामध्ये दक्षिण मध्य रेल्वे विभागातंर्गत परभणी ते हैद्राबाद(07564) व हैद्राबाद ते परभणी(07563) ही एक्सप्रेस विशेष गाडी म्हणून दररोज नांदेड मार्गे धावणार आहे.गाडी क्र. 07563 हैदराबाद-परभणी दैनंदिन विशेष रेल्वे हैदराबाद येथून रात्री 10.45 वाजता निघून सिकंदराबाद, निजामाबाद, बासर, मुदखेड, नांदेड, पूर्णा मार्गावरून परभणी स्थानकावर दुस-या दिवशी सकाळी 6.30 ला पोहोचणार आहे.
परतीत गाडी क्र. 07564 परभणी-हैदराबाद दैनंदिन विशेष रेल्वे परभणी स्थानकावरुन रात्री 10.30 वा निघून वरील मार्गाने हैदराबाद येथे दुस-या दिवशी सकाळी 6.45 वाजता पोहोचणार आहे. या रेल्वेगाडयाकरिता 10 सप्टेंबरपासून आरक्षण सुरू होणार आहे. रेल्वे बोर्डाने या अनुषंगाने परिपत्रक जारी केले.